Thursday, 10 May 2018

சங்கமுழக்கம் என்றோர் கருத்தாயுதம்

சங்கமுழக்கம் சாமான்ய ஊழியனின் உரிமை முழக்கமாக தொடர்ந்து வெளிவருகிறது. வண்ணமயமான முன் பின் அட்டைப் படங்களுடன்
கண்ணைக்கவரும் வகையிலும் கருத்தாயுதமாகவும் வெளியிடப்படுகிறது.

சொல்லப்போனால் பல சங்கங்களின் மாநிலச்சங்க பத்திரிகைகளை பார்க்கும்போது நிறைந்த விஷயங்களுடனும் பல்வேறு தொகுப்புகள் அடங்கியதாகவும் வெளிவருவது நாம் அனைவரும் அறிந்ததே.  

ஆனால் இதில் வரும் செய்திகளும் ஆழ்ந்த சமூகம் சார்ந்த கட்டுரைகளும் முழுமையாக வாசிக்கப்படுகிறதா?  உள் வாங்கப்படுகிறதா? என்று ஓர் அச்சம் இருக்கத்தான் செய்கிறது. ஒரு இதழ் வெளிவர எந்த அளவிற்கு அதன் ஆசிரியர் விஷயங்களை தருவிக்க வேண்டும், ஆழ்ந்த சிந்தனையுடன் எழுத்தாக்கம் செய்ய வேண்டும், மற்றும் அதற்குண்டான பொருட்செலவு எந்த அளவிற்கு இருக்கும் என்பதையெல்லாம் அனைத்து தோழர்களும் சிந்திக்கவேண்டும். 
அதன் அடிப்படையில் வெளிவரும் சங்க முழக்கத்தின் தலைப்புச் செய்திகளின் தொகுப்பாக இதை சமர்ப்பிக்கிறேன்.

மே மாதம் 2018 சங்க முழக்கம்
செய்தி - 1 : பாரத் ரத்னா பீம்ராவ் அம்பேத்கர்.

65 ஆண்டுகளே உயிர் வாழ்ந்த டாக்டர். அம்பேத்கர் அவரது காலத்தில் அவருக்கு இணையாக கல்விகற்ற மற்றும் அறிவாளிகள் உலக அளவில் மிகச்சிலரே.

நாட்டின் தொழிலாளர் நலத்துறை அமைச்சராக அண்ணல் அம்பேத்கர் இருந்தபோது தான் எட்டுமணி நேர வேலை என்பது தொழிலாளருக்கு சட்டபூர்வமான உரிமையானது.
செய்தி - 2: மே தினவிழா -2018

ஆகஸ்ட் ஸ்பைஸ் ஆஸ்கார்நிபீ  சாமுவேல் பியல்டன் ஜார்ஜ் எங்கல்ஸ் ஆல்பர்ட் பார்ஸன் அடால்ப் பிஷர் மைக்கேல் ஸ்கவாப் லூயிஸ் லிங் ஆகிய எட்டு தலைவர்களே மே தின தியாகிகளாக உலகெங்குமுள்ள உழைக்கும் மக்களால் கடந்த பல ஆண்டுகளாக நினைவுகூறப்படுகிறார்கள்.

இவ்வாண்டு மே தினத்தில் நாம் BSNL நிறுவனத்தை பாதுகாக்கவும் அரசும் நிர்வாகமும் கூட்டாக சதி செய்து நமது நிறுவனத்தை நிர்மூலமாக்கிட முயல்வதை முறியடிக்கவும் உறுதிபூணுவோம். 11 ஆண்டுகள் கழிந்த பிறகும் ஊழியருக்கு ஊதிய மாற்றம் தராமல் தாமதிக்கும் அநியாயத்தை முடிவுக்கு கொண்டு வரவும் உறுதியேற்போம்.

செய்தி-3 ஜியோவின் அடுத்தகுறி பிஎஸ்என்எல் ?

தோழர் மதிவாணனின் இந்த பேட்டி செய்தி அனைவராலும் பெரும் அளவில் வரவேற்பை பெற்றுள்ளது. அனைத்து வலைதளங்களிலும் இந்த செய்தியை காணலாம். எதிர்வரும் காலத்தில் நடைபெற இருப்பதை படம் பிடித்தாற்போல் நச்சென்று அவர் கூறியிருப்பதால் பலரும் அதிர்ந்து போய் இருப்பது உண்மை. அது அப்படியே வரிவடிவமாக சங்கமுழக்கம் இதழில் வெளிவந்துள்ளது பாராட்டத்தக்கது.

செய்தி - 4  நாட்டு நடப்பு நல்லா இல்லீங்கோ !

இந்த தலைப்பு ஏதோ சினிமா செய்தியின் தலைப்பு போல் இருந்தாலும்  சமூகத்தில் நிலவும் அவலநிலை மற்றும் உண்மை செய்திகளை வெளியிட்டுள்ளது.
எட்டுவயது ஆஷிபா என்ற காஷ்மீர சிறுமிக்கு நடந்த பாலியல் கொடுமை;
அதில் மத்தியில் ஆளும் பா.ஜா.க.வின் நிலைமை பற்றி சமூகப்பார்வையுடன் வருத்தமும் கண்டிப்பும் தெரிவித்து எழுதப்பட்டுள்ளது. பா.ஜ.க. என்பதற்கு பாலியல் ஜல்ஸா கட்சி என்று பாமரமக்கள் பெயரிடுவார்களோ என்ற நைய்யாண்டித்தனம் வேதனையோடு கூடிய கண்டிப்பு என்பதாக உள்ளது.

செய்தி - 5. காவேரி மேலாண்மை வாரியம் விரைவில் அமைந்திட

நமது ஊழியர்கள் நலனுக்காக மட்டும் என்றில்லாமல் தமிழகத்தின் வாழ்தாரப்பிரச்சனையிலும் எங்களுக்கும் பங்கு உண்டு என்று NFTE / NFTCL  நடத்திய எழுச்சிமிகு ஆர்ப்பாட்டம் படத்தொகுப்புகளுடன் விவரிக்கப்பட்டுள்ளது.

செய்தி - 6  SC/ST வன்கொடுமை தடுப்பு சட்டம்.

சமூகத்தில் அடித்தட்டில் உழலும் கோடானுகோடி மக்களின் மீதான வன்கொடுமைக்கு கடுமையான தண்டனை வழங்கிட வகை செய்யும் சட்டத்தை இந்த தீர்ப்பின் மூலம் உச்சநீதிமன்றம் நீர்த்துப் போகச் செய்துள்ளது.
BJP யினரின் நிலப்பாடு வெட்டவெளிச்சமாகிவிட்டதை தெளிவான சமூகப்பார்வையுடன் ஆதாரத்துடன் ஆசிரியர் விவரித்து குறிப்பிட்டுள்ளது பாராட்டத்தக்கது.


சங்க முழக்கம் வெளியீடு அனைத்து தோழர்களாலும் வாசிக்கப்பட வேண்டும் கருத்துக்கள் உள்வாங்கப்படவேண்டும்- விவாதிக்கப்படவேண்டும் என்ற நோக்கத்துடன் மட்டுமே இந்த செய்தித் தொகுப்பு எழுதப்பட்டுள்ளது.

சங்கமுழக்கத்தின் தொடர் செயல்பாடு கருத்தாயுதப் போராட்டம் மேலும் தொடரட்டும் .....  மேலும் வலுப்பெறட்டும் சங்கமுழக்கம்..எனப்பாராட்டுவோம்....

வெளியீடு : NFTE வடசென்னை மாவட்டம்.



Friday, 4 May 2018

 வரப்போகும் ஆபத்து

ரிலையன்ஸ் ஜியோ பற்றிய அதிர்ச்சித் தகவல்

NFTE மாநிலச்செயலர் தோழர்.C.K.  மதிவாணன் அளித்த பேட்டியின் கருத்துச்சிதறல்கள்

எதிர்காலம் எப்படி இருக்கும் என்று கணித்து ஒரு தீர்க்கதரசியாக கருத்து தெரிவித்துள்ளார் என்பதை காண்க :

ரிலையன்ஸ் ஜியோ,  தொலைதொடர்பு துறையில் தடம் பதித்தவுடன் செய்த முதல் வேலை என்ன தெரியுமா ?  தான் பணம் சம்பாதிக்காவிட்டாலும் பரவாயில்லை  இந்த துறையில் இருக்கும் மற்ற எந்த கம்பெனியும் லாபத்தில் இயங்கக்கூடாது என்பதே !

ஒரு நிறுவனத்தின் வருமானத்தை தடுத்தால் தானாக அது தள்ளாட்டத்தில் வீழ்ந்துவிடும் என்பதை ஜியோ புரிந்து வைத்திருக்கிறது. டவர் கம்பெனிக்கும் வாடகை கொடுக்கமுடியாதபடி  தடமாறி விடும் என்பதை புரிந்து வைத்துள்ளது. வளர்ச்சிப்பணிகளுக்கும் செலவு செய்யமுடியாமல் சீர்கெடும் என்பதை அறிந்து வைத்துள்ளது.

அதன்படி முதலில் வீழ்ந்தது ஏர்செல் என்பதை நாம் புரிந்துக் கொள்ளவேண்டும். ஜியோவின் நுழைவால் - கட்டண வீழ்ச்சியால் - தள்ளாட்டத்திற்கு தள்ளப்பட்டது ஏர்செல்.  தொலைதொடர்பு சேவைக்கு டவர் என்பது ஆக்ஸிஜன் போன்றது; ஏர்செல் கம்பெனிக்கு என்று தனியாக டவர்கள் இல்லை. பிற டவர் சேவை கம்பெனியிடமிருந்து வாடைக்கு வாங்கி தான் சேவை தர முடியும்.  தான் வாங்கிய டவர் சேவைக்கு கட்டணம் கட்டமுடியாமல் திணறியது.  கடைசியில் தான் திவாலாகிவிட்டதாக தகவல் வெளியிட்டது.

ஆனால்  BSNL ஐ பொருத்தவரையில் தன்னிடம் சொந்தமாக டவர் வைத்துள்ளது. சொல்லப்போனால் பிறருக்கு டவர் சேவையை வாடகைக்கு விடும் அளவிற்கு வசதியுள்ளது.  எங்களிடம் எக்ஸ்சேஞ், டவர், ஸ்டோர்ஸ் மற்றும் போதுமான ஊழியர்கள் என அனைத்தும் உள்ளன. அதற்கும் மேலாக  சமூக உணர்வு மற்றும் சமூக அக்கறையும் உள்ளது.  சமீபத்தில் ஏற்பட்ட மழை வெள்ளம் போன்ற இயற்கை பேரழிவு காலங்களிலும் நல்ல சேவையாற்றிய நிறுவனமாக BSNL மட்டுமே மக்களிடம் பாராட்டு பெற்றது.

ஏர்செல் வீழ்ச்சிக்கு பிறகு டவர் சேவையின் முக்கியத்துவம் பலராலும் அறியப்படுகிறது. அதனால் தானோ என்னவோ BSNL இடம் இருக்கும் டவர் மட்டும் தனியாகப் பிரிக்கப்பட்டு தனி நிறுவனமாக அறிவிக்கப்படுகிறது. அது ஒரு மட்டகரமான செயல். அதை தனியாருக்கு கொடுக்க முயற்சி எடுக்கப்படுகிறது.

ஒரு காலத்தில் அழைப்பு வருகைக்கு (INCOMMING CALLS) கூட ரூபாய் 18 கட்டணமாக இருந்தது என்பதை சொன்னால் இப்போது பலர் நம்ப மாட்டார்கள். பின் காலத்தில்  தான் மட்டுமே ஒரே சேவை நிறுவனம் என்று மாற்றி அந்தநிலையை கொண்டுவர ஜியோ துடிக்கிறது.


↣BSNL நிறுவனத்தைக் காப்பாற்ற அரசாங்கம் வேறு ஒன்றும் செய்ய வேண்டியதில்லை.  தன்னிடம் உள்ள மத்திய மற்றும் மாநில அரசின் துறை முழுக்க எல்லா இடங்களிலும் BSNL சேவை மட்டுமே பயன்படுத்தப்படவேண்டும் என்று ஒரு உத்தரவு போட்டாலே போதும் என்பதே உண்மை. 

NFTE வடசென்னை மாவட்டம்.






Monday, 30 April 2018

Monday, 23 April 2018

அமிர்தசரஸ் மாநாட்டில் தேர்ந்தெடுக்கப்பட்டபுதிய நிர்வாகிகளுக்கு பாராட்டு விழா நடைபெற்றது. தலைவர் தோழர் இஸ்லாம் அகமது,பொதுச் செயலாளர் சந்தேஷ்வர் சிங்,மூத்த துணைத் தலைவர் சி.கே.மதிவாணன்ஆகியோர் பாராட்டப் பட்டனர். சகோதர சங்கங்களிலிருந்து BSNLEU, FNTO, NFTCL, SNEA, AIBSNLEA, TEPU வந்திருந்த தலைவர்களும் சென்னை தொலைபேசி தலைமைப் பொதுமேலாளரும் பாராட்டுரை வழங்கினர். மூன்றாவது ஊதிய மாற்றம், கோபுரங்களுக்கான தனி நிறுவனம், நிறுவனம் காக்கும் நடவடிக்கைகள்ஆகியவை பற்றி தலைவர்கள் விளக்கினர்.சுமார் 450 மேற்பட்ட தோழர்களும் 75 தோழியர்களும்  கலந்துகொண்ட சிறப்பான கூட்டம்Image may contain: 5 people, including Kamaraj Sengulathan and Ragul Anandhan, people smiling, people standingImage may contain: 8 people, crowd and outdoorImage may contain: 10 people, including Chandeshwar Singh, people smiling, people standing

Saturday, 14 April 2018

இன்று காலை 9.30 மணியளவில் TAYLORS ROAD BSNL குடியிருப்பு பகுதியில் உள்ள Dr.அம்பேத்கார் சிலைக்கு நமது NFTE BSNL சென்னை மாநில செயலாளரும்,அகில இந்திய மூத்த துணை தலைவரும், NFTCL அகில இந்திய பொதுச்செயலாளருமான தோழர் CKM மாலை அணிவித்து மரியாதை செலுத்தி 

உரை நிகழ்த்தினார்.

Image may contain: 2 people, people standingImage may contain: 6 people, including Babu Varadharaj, people standing, crowd and outdoorImage may contain: 3 people, including Babu Varadharaj, people standing